O luns 18 de xullo aterrabamos na calor estival de Mallorca para comezar o noso último encontro da tempada. Esperábannos dez días de intensos ensaios, sesións de gravacións e fotos, unha viaxe a Galicia e un inesquecible concerto en Tomiño.
Era o momento de reencontrarnos cos estudos de gravación ONA e co noso querido amigo Miquel Brunet, que unha vez máis nos acollería en Bunyola para inmortalizar a nosa música. Na nosa terceira aventura ante os micrófonos e as cámaras, propuxémonos gravar 2 obras moi especiais para nós: Fragments Striés, do catalán Héctor Parra; e Der Blutige Schaffner, do alemán Robin Hoffmann. Estas dúas obras supuxeron para nós grandes retos no seu momento, e todo o esforzo e agarimo que lles dedicamos deron os seus froitos en numerosos concursos e concertos.
O venres 21 de xullo, ás 10 da mañá, iniciamos a gravación audiovisual de Fragments Striés, á que dedicamos toda a mañá. Tras un descanso para comer, comezamos a gravar as primeiras tomas da obra de Robin Hoffmann, que nos ocuparon toda a tarde.
Entre ensaios, xeados e ensaimadas, o domingo 23 de xullo vivimos un novo reencontro, neste caso coa nosa fotógrafa de confianza: Inma do Valle. Nesta ocasión desprazámonos ata a costa este da illa de Mallorca, na que coñecimos unha paraxe única onde a montaña e a costa se fusionan, moi preto da Colonya de Sant Pere. Alí vivimos unha sesión única (e arriscada), na que tivemos que saltar cos nosos instrumentos, mollar os nosos traxes e aguantar unhas temperaturas infernais. Por suposto, todo iso pagou a pena. Grazas polo teu excelente traballo, Inma!
Os ensaios non cesaron ata a segunda sesión en ONA Estudis o mércores 26 de xullo. Dedicamos o día a rematar de gravar a obra Der Blutige Schaffner, cuxa dificultade e duración requeriu da nosa máxima concentración todo o día. Con todo, Miquel Brunet e o realizador de imaxe, Guillem, fixeron o traballo moito máis livián e facilitaron a xornada achegándonos a súa alegría e o seu bo facer en todo momento. Esperamos con moita ilusión o resultado destes días de gravación. Moltísimes gracis!omento. Esperamos con mucha ilusión el resultado de estos días de grabación. Moltísimes gracis!
Ao día seguinte poñiamos rumbo a Vigo para, por terceiro verán consecutivo, pasar en Galicia uns cantos días. Este ano, como non, tamén deixariamos a nosa música pola zona, e por primeira vez na vila de Hugo. A igrexa románica de San Vicenzo de Barrantes encheuse dun numerosísimo número de persoas: amigos, familiares e melómanos que viviron o noso último concerto da tempada. Aquí deixámosvos uns fragmentos como mostra deste marabilloso día!
Unha vez máis, gardamos estes recordos no corazón desexando que se repitan moi pronto. Espéranos unha nova tempada cargada de sorpresas, proxectos e, sobre todo, moita ilusión. LÍ-TO-RE!!!!
Комментарии